Den EXTRA su afan pa sigui informá komunidat i pa e aspekto di transparensia, entrante awe lo inisiá un un seri di artíkulo ku fragmentonan for di e Akuerdo di Gobernashon MFK/PNP pa e periodo di gobernashon 2021-2025. Aspektonan importante ku tin influensia riba desaroyo di tur tereno ku ta afektá di un forma òf otro henter e komunidat di Kòrsou. Un pueblo bon informá por opiná.

 (Teksto saka for di Akuerdo di Gobernashon MFK/PNP)

 Seri 22 Di krísis di Covid-19 pa un Rekuperashon Resiliente

Den e kuadro aki e gobernashon lo utilisá komo base pa e NRP e dokumento titulá “From Covid-19 Crisis Response to Resilient Recovery – Saving Lives and Livelihoods while Supporting Green, Resillient and Inclusive Development (GRID)” di kual a keda prepará pa Banko Mundial, den mart 2021 pa e “Joint Ministerial Committee Meeting entre Banko Mundial i Fondo Monetario Internashonal.

E dokumento aki ta proponé un aserkamentu integral pa promové un rekuperashon fuerte i duradero i un kresementu basa riba e konsepto GRID. Di e forma aki por realisá e transformashon sosial-ekonómiko. Esaki ta basa riba 4 pilar, esta (i) salba bida, (ii) protehá e hende pober i vulnerabel, (iii) sigurá kresementu di negoshi sostenibel i kreashon di empleo i (iv) fortifiká maneho, institushonnan i invershonnan pa rekonstruí mihó.

Den implementashon di e GRID prioridat lo wòrdu duna na e siguiente puntonan:

1. 
   

2. Invershon den tur forma di kapital
   

   1. 
      

   2. Pa rekuperashon i kresementu, tin un urgensia imperativo pa “scale up” invershonnan pa bira bek e kolapso di ekonomia i pa realisá e sheftnan signifikativo nesesario pa e transformashon

   3. 
      

   4. Rekonstrukshon di kapital humano ta rekerí reforma integral i maneho i finansiamentu sostenibel

   5. 
      

   6. Invershon den infrastruktura duradero ta e yabi pa un rekuperashon ekonómiko fuerte, kreashon di empleo i e base di GRID

   7. 
      

   8. Ta primordial pa integrá medio ambiente, pobresa i inigualdat komo strategia di desaroyo

   9. 
      

   
   

3. 
   

4. Maneho struktural i makroekonómiko, fortifikashon institushonal i inovashon teknológiko pa fasilitá e transishon
   

   1. 
      

   2. Ta imperativo pa traha maneho makroekonómiko struktural i na nivel di sektor pa krea e kondishonnan pa fasilitá avanse i rekuperashon duradero

   3. 
      

   4. Mester desaroyá i implementá reformanan struktural

   5. 
      

   6. Maneho di komersio lo pusha kresementu, desaroyá resiliensia i promové inklushon

   7. 
      

   8. Lo duna atenshon speshal na teknologia i inovashon ku lo hunga un ròl importante den promoshon di kresementu

   9. 
      

   
   

5. 
   

6. Mobilisá kapital na eskala, spesialmente di sektor priva
   

   1. 
      

   2. Pa kumpli ku ophetivonan di invershon, rekursonan finansiero signifikante tin ku wòrdu pone disponibel konsiderando limitashonnan fiskal i preshon di servisio di debe

   3. 
      

   
   

7. 
   

Ta imperativo pa finansiamentu ta disponibel pa e invershonnan nesesario, kompañá pa konosementu, ‘partnerships’, kapasidat i plataforma pa kombatí efektonan di Covid-19 i realisá e rekuperashon post-Covid riba un forma aselerá.

Seri 23 Stabilidat makroekonómiko