Servisio Meteorológiko di Kòrsou a emití un informe sumamente interesante den kual ta indiká ku informashon optené pa komienso di luna di sèptèmber por konfirmá ku la Niña a bira un realidat. Alrededor di kada 5 pa 7 aña e temperatura di e superfisie di laman den e área aki ta bira relativamente mas kalor (ta karga nòmber di el Niño) òf mas friu (la Niña). Estudio realisá na Servisio Meteorológiko ta indiká ku durante di un la Niña e temporada di áwaseru (òktober te ku yanüari e siguiente aña) tambe lo tin mas probabilidat pa ta mas ku normal debí na e kondishonnan favorabel di atmósfera.

Pues ta kalkulá ku e probabilidat pa temporada aki ta alrededor di 60-80% pa un temporada mas ku normal ku alrededor di 400 -530 mm total. Esaki ta 10-40 % mas ku un temporada promedio (366 mm). Den edishon di EXTRA mayan lo tin un relato mas kompleto.