...Riba e tabèl aki por mira unda a registrá mas tantu kaida di awa...

WILLEMSTAD.- Djaluna anochi pa bai kue djamars mardugá, Kòrsou a haña un palu di áwaseru ku a kai riba nos isla. E forma kon áwaseru a kai, ta laga nos bai bèk na aña 2010, ku e awa a para kai riba nos isla, i a kousa basta desaster i hasta un persona ku tabata hasiendo trabou boluntario e momentu ei a fayesé.
Relashoná ku e áwaseru torensial ku nos a eksperensiá ayera, Servisio Meteorológiko a anunsiá ku tin periodo ku mas mal tempu na kaminda durante di e dianan ku ta sigui. P’esei Servisio Meteorológiko ta urgi tur hende pa tene kuenta ku esaki i tuma e medidanan di prekoushonnan nesesario. Ounke Meteo a publiká ku áwaseru por a kai lokalmente fuerte i kousa molèster na lugánan di kustumber, tòg e kantidat di awa ku a kai ayera nochi tabata konsiderablemente mas hopi ku a premirá. Motibu di esaki ta, ku e mal tempu a bin desaroyá rápidamente i a kontinuá stashoná riba e área di nos isla.
Servisio di Meteo ta kombibí ku e hende ku a eksperensiá molèster di áwaseru durante e mardugá ku a pasa i lo sòru pa mehorá e komunikashon na públiko en general den kasonan asina.