Servisio personalisá pa kada pashènt na Curacao Dental Center

Lokal

Dra Yuliana Mendivil

Nos djentenan i kuido bokal ta hopi importante. Su kuido por evitá malesa i tambe su kuido por sòru pa sierto malesanan no afektá nan. Yuliana Mendivil dentista i ko propietario di Curacao Dental Center den un entrevista amplio ta duna nos splikashon kiko pa tene kuenta kuné. E entrevista di dr Yuliana Mendivil lo ta den korant i riba nos plataforma digital. Awe nos tin e promé parti kaminda e ta papia di kuido di djente.

Reto na Kòrsou

Dra Yuliana Mendivil ta bin di Colombia i el a bisa ku e reto mas grandi pe na Kòrsou tabata ku komo e ta estranhero, el a studia na Colombia i ku spesialidat na Brasil i siendo na Kòrsou e tin di revalidá su título i hasi pasonan pa por ehersé su funshon. Esei tabata su reto pasobra durante di 10 aña no tabatin e ehersisionan pa e por a revalidá su profeshon di dentista. El a sigui persistí i perseverá i asina a habri e eksámen el a logra pas’e. Esei tabata su reto prinsipal a Kòrsou. Pa loke ta idioma e no ta haña ku tin un barera di idioma. E ta spañó pero komo for di chikí e tabata bin Korsou i a familiarisá ku e kultura i idioma. E por komuniká fluidamente den papiamentu i p’esei no ta un barera. I loke e ta apresiá hopi ku ti hopi pashènt na Kòrsou ku ta papia spañó i na ta hasi korekshonnan pe. I despues ku e pashènt korigié nunka mas e ta lubidá e palabra i dor di trein nunka mas e ta lubid’é.

Servisio personalisá

Curacao Dental Center ta basta yòn manera dra Yuliana a bisa. “Curacao Dental Center ta un beibi ainda. E tin un aña” segun dra Yuliana. Ta trata aki di un tim forma pa su persona i dra Sorangel Brito i nan tur dos ta spesialista. Nan a uni forsa pa ofresé servisio di kalidat i humano. Nan lema ta personalisá. Hasi e tratamentu personalisá, kaminda ta skucha e pashènt i yega na un bon tratamentu pe.

Kada tratamentu no ta sin mas

Dra Yuliana a kontesta ku un NO firme riba e pregunta ku si e pashènt yega serka dje i ke hasi un sierto tratamentu, i ku e ta hasi esaki sin mas. Segun su splikashon pa kada tratamentu mester di estudionan previo manera estudio klíniko, radiografia, tin bia tambe un 3D pa wak kon e wesunan, kon e situashon interno di e pashènt ta i abase di e preguntanan ku ta hasi e pashènt, ta yega an opshonnan. I kisas esun ku e pashènt a wak den media sosial, kisas e no por hasié. Kada pashènt ta diferente i ta trat’e manera mester ta.

E diferensia

Loke ta hasi Curacao Dental Center diferente di otronan ta e humanidat. E rèspèt, splikashon ku ta duna e pashènt i nan ta skucha kiko e pashènt ta sinti, kiko e ke, pa por yega na final di e tratamentu pa e pashènt keda kontentu i pa e komprondé dikon e tratamentu ei. Pa nan ta importante rèspèt pa tur loke nan ta hasi i tur loke e pashènt ta bisa.

Estudio di Kaak Chirurg

Dra Yuliana a spesialisá na Brasil den operashon i fasial, esta e ta un Kaak Chirurg. Esei ta hasi tambe ku e ta gusta asuntunan di implante, saka ‘Verstandkies’, e ta aportá ku otro koleganan ku ta traha por ehèmpel ku ‘beugel’ i si mester saka un djente. Diferente tratamentu kirúrgiko i spesialisá. Yuliana ta hasi mas tantu implante i ekstrakshon, sea ranka djente òf operá pa saka e djente. I hopi biaha ekstrakshon kompliká. Otro dentistanan hopi bia ta referí e pashènt pe òf su propio pashèntnan. Tur dia nan ta hasi konsultanan di limpiesa, yena djente, tratamentu di nèrvio ets ets.

Na Kòrsou nos por tur kos

Na Kòrsou tin masha bon dòkter/dentista ku no ta nesesario bai hasi niun tratamentu den eksterior. Dra Yuliana Mendivil di Curacao Dental Center a splika nos ku baimentu afó ta dushi i hopi pashènt ta hasi pa preis i tin bia pa keiru i hasi e tratamentu. Pero ta importante pa tene kuenta ku tin sierto tratamentu ku tin siguimentu, esta e pashènt mester sigui bai pa kontrol.No por bai afó hasi un tratamentu i kla. Por ehèmpel si bo bai afó pa un tratamentu i despues regresá bek i algu ta pasa ku e djente, ta kiko lo hasi. Si ta aki e dentista ta keda pendiente di e tratamentu te final di e tratamentu. Ta importante pa e pashènt komprondé esaki. El a bisa e ta di akuerdo ku un pashènt ta bai skucha un opinion pero ku e teknologianan na Kòrsou, no tin nodi bai afó. El a yega sierto remarke di pashènt ku no tabata sa ku na Kòrsou ta hasi tantu kos asina aki. I p’esei e ke enfatisá ku Kòrsou tin hopi bon dentista i ku bon teknologia. I esaki ta konta pa nan tambe na Curacao Dental Center.