WILLEMSTAD.-E sekretario general (SG) suplente di ministerio di Maneho di Gobernashon, Planifikashon i Servisio Públiko (BPD) Artoir Herrera ta bai korte atrobe kontra gobièrnu, esei su abogado mr. Achim Henriquez a kaba di konfirmá pa EXTRA. Despues ku siman pasá e SG suplente a gana e kaso den korte, loke a nifiká ku e siman aki djaluna e mester por a drenta ministerio di BPD i bai traha sin problema, a resultá ku minister Konket a presentá ku un otro prohibishon di entrada kontra di e ámtenar.
Abogado Henriquez, na nòmber di su kliente, a duna minister Konket te ku djamars 9 di aprel pa revoká e prohibishon di entrada di manera ku su kliente por bai traha bek. Mirando ku e minister no a reakshoná riba e petishon aki no a keda niun otro opshon di bai korte atrobe, asina mr. Henriquez a duna di konosé na EXTRA. Keda pendiente pa mas detaye.