WILLEMSTAD.-E miembro di Parlamento Shaheen Elhage(PAR) mester a bai korte na momentu ku e tabata na turno pa drenta Parlamento pero koleganan parlamentario no kier a duna koperashon pa forma kuórem. EXTRA a kombersá awe ku Shaheen Elhage despues ku pa di tres bia a yama un reunion di Parlamento entre otro pa aprobá kredensialnan di e miembro nobo di PAR sra. Capriles pero no a logra. Na opinion di Shaheen Elhage esaki ta traishon na pueblo.
E parlamentario a mustra ku kuater aña pasá organisashonnan polítiko a partisipá na elekshon liber i sekreto unda nan a presentá nan kandidatonan pa bira parlamentario. Despues di elekshon ta Konseho Supremo Elektoral ta e instituto ku ta indiká ken ta bira Parlamentario. Pa un persona drenta den e funshon komo parlamentario mester aseptá su kredensialnan den un reunion di Parlamento. Pero no ta den man di parlamentarionan pa disidí ken ta drenta Parlamento, ku ta e instituto mas honorabel di nos pais, si òf no.
Na opinion di Elhage, e parlamentario ku no ta respetá deseo di pueblo ta kometé traishon na pueblo su ekspreshon pa ta parlamentario te ku 11 mei próksimo. E grupo di parlamentario ku ta stroba un persona di drenta Parlamento ta kometiendo traishon na pueblo.
Shaheen Elhage ta konta kon el a mira su kolega Payo Schoop drenta Parlamento na desèmber último sin niun problema i awor e koleganan ta blòkia unu di drenta. Elhage ta bisa ku el a drenta ora ku el a basa su mes riba lei i e derecho ku e tin. Awor e ta den Parlamento i e ta biba e derecho i e ta mira e traishon na pueblo.
frida
Sra.Capriles di PAR no ta realisa ku awor aki ta hopi laat pa ku e ta drenta na Parlamento. Masha bunita ku Sr. Elhage ta bisa ku Parlamento ta e instituto di mas honorable di e pais. Al menos, esei ta den teoria,dor ku e praktijk di esun ku nos tatin e ultimo 4 anja, si esaki tabata e instituto di mas honorabel, mi no ke ni sa kon e ta e instituto di menos honorabel. Ta importante ken ta e parlamentarionan,Sr.Elhage. I nos Parlamento a laga hopi di desea den e ultimo anjanan. I Sra. Capriles a hanja 27 voto so,ke men masha masha tiki hende a vota pe.I awor ta falta algun siman so pa ku e por sinta,i mi impreshon ta ku e restant 159.000 hende di Korsou no ke ku Sra.Capriles ta drenta i te ora e ta hanja un tiki ervaring,su termijn a kaba,pero no su salaris ku e ta keda kobra pa 1 anja largu.Kual ta e aporte ku e Sra. aki por hasi den asina tiki dianan di reunion ku ta sobra te Parlamento aki ta bai kas? Kalifika hende di traishon na patria no ta korekto tampoko Sr. Elhage.Maske ku si Sr. Schoop por a drenta na Desember esaki ta mesun kos.No tabata mal idea si PAR a kombense su parlamentario meneer Ayoubi pa wanta algun siman mas,e ora ei,enter e problema aki no tabata sosede.I esei no ta traishon tambe?