WILLEMSTAD.-Un ratu polis mester a bai na Kaminda Amador Römer na Jandoret pa un aksidente. E kaso aki a hala atenshon pasobra na promé lugá un vehíkulo, Mitsubishi bieu a pèrdè kontrol i basha un palu di lus abou. Esaki a pone ku kabelnan di koriente di voltahe haltu tabata na suela.

Un outo basta nobo tambe a haña daño ora ku kabelnan a kai riba dje. Komo konsekuensia di esaki mester a pidi Aqualectra pa aktua hopi lihé. No papia mes di e abitantenan den e área ku a keda sin koriente. Pa kaba di korona e obra e shofùr di e vehíkulo a baha laga outo i kore bai. Polisnan ta investigando e kaso.