WILLEMSTAD.- Ministerio públiko ta informá ku wes-komisario (RC), riba demanda di Fiskal di Ministerio Públiko (OM) Kòrsou a ordená awe "bewaring" di e hòmber R.H. (Ulanda, 1981). E sospechoso aki tabata shofùr di e outo ku a kousa e aksidente 6 di ougùstùs 2018 ku a resultado den morto di Andre Dieter Hester, un turista di Alemania. Tin e sospechoso fuerte ku na momentu di e aksidente R.H. tabata bou di influensia di alkohòl. Ya kaba R.H. a keda será 2 x 24 ora i 8 dia. Ku e desishon aki e ta keda será pa 8 dia mas pa asina polis por kontinuá ku e investigashon. Aki 16 dia e lo keda presentá atrobe dilanti Wes-komisario pa por keda husgá.