WILLEMSTAD.- Korte a trata vários kaso di shofùrnan ku a kore outo bou di influensia di alkohòl resientemente.
Entre nan un shofùr di 58 aña ku ta keda akusá di a wòrdu pará pa polis, na momento ku e patruya a tuma nota ku e tabata kore zuai ku su vehíkulo riba karetera.
Despues ku polisnan a par’é i kontrol’é, nan a hasi e tèst di alkohòl ku e shofùr, pa chèk si e tabata den poseshon pa manehá un vehíkulo.
A resultá ku e tabatin 489 kilogram den su sistema, miéntras lei ta permití 220 kilogram pa un shofùr ku ta bai stür.
Den un prosèsverbal e agentenan a relatá, ku e shofùr tabatin wowo kòrá, lenga pisá i tabata saka holó fuerte di alkohòl.
E shofùr a bisa ku e tin hopi bèrgwensa di loke el a hasi. El a splika ku el a bai un fiesta ku un kolega, kaminda tabatin hopi ko’i bebe.
Segun e akusado e tambe dado momento a djòin e fiesta i sin ku e tabata sa, el a bebe demasiado alkohòl.
Ora di bai kas enbèrdat e tabata kore tur turdí i no ta kòrda mashá kon esaki a bai.
E akusado a bisa ku esei tabata e promé biaha i último biaha ku e lo hañ’é den un situashon asin’aki.
Fiskal a haña e akusashon probá i ta demandá e akusado na un but di fl 750,- ku e mester paga.
E akusado a bisa e ta dispuesto pa paga su fayo.
Hues a bis’é ku el a apresiá ku el a asumí su responsabilidat i ta konvensí ku el a siña su lès.
Hues den su desishon a bai kompletamente di akuerdo ku e demanda di fiskal.