WILLEMSTAD.- E shofùr di fam Winklaar a sali di bon for di un but ku el a risibí  na desèmber aña pasa. Segun e prosèsverbal e shofùr tabata koriendo un vehíkulo di kual su glasnan tabata di tint i ku solamente 17% di klaridat por a pasa. Esaki segun korte ta kontra di regla pa motibu ku lei ta bisa ku 70% di klaridat mester por pasa via di e glasnan ora ku esaki tin un film di plak na nan. Momento ku hues a tira un bista den e prosèsverbal, el a tuma  nota ku  e verbalisante ku a traha e prosèsverbal no a pone  fecha ni tampoko  na unda el a  para e outomobilista. Mirando esaki hues a duna di konos’é ku un prosèsverbal asin’aki no ta válido i ta apsolvé e shofùr di kulpa.