WILLEMSTAD.- Ayera atardi ForenSys i polis a keda dirigí pa Caracasbaaiweg pa asina atendé ku un aksidente ku a tuma lugá. Na nan yegada na e sitio, a topa ku e vehíkulo den un pida mondi, pero ningun hende na e sitio.

Segun testigunan a indiká, e shofùr tabata manehá riba velosidat haltu pero dado momentu a pèrdè kontrol riba stür, kore den skual pa finalmente resultá den e  pida mondi. Despues di e aksidente e shofùr a baha kore bai.

ForenSys a registrá tur kos i despues a konfiská e vehíkulo mirando ku no tabatin ningun hende na e sitio.