WILLEMSTAD.- Djasabra durante di oranan lat di atardi polis i tambe ambulans a keda dirigí pa Rooseveltweg despues di un aksidente ku lo mester a tuma lugá.
Na e sitio por a komprondé ku algun ratu promé un hòmber manehando su vehíkulo lo mester a bira malu tras di stür.
Konsekuentemente for di algun meter leu e hòmber a kuminsá kore den un skual, baha for di kaminda pa finalmente resultá den mondi.
Na momentu ku personal di Ambulans a yega na e sitio mesora a konstatá ku ta malu e hòmber lo mester a bira tras di stür loke a okashoná e aksidente.
A duna e hòmber promé asistensia despues el a keda transportá pa departamento di emergensia miéntras ku Forensys a atendé ku registrashon di e aksidente.
Despues ku yudansa di un kran a saka e vehíkulo for di den e mondi.