WILLEMSTAD.- Mas ta e shofùrnan ku a presentá den sala di korte pa buska rason serka hues, despues ku nan a keda akusá di a kometé infrakshon den tráfiko.
Pa ku esaki e shofùr di 47 aña tambe a presentá.
El a risibí un but, akusá di tabata papia na telefòn.
Segun e akusado esaki no ta bèrdat.
El a splika ku e dia ei e tabata koriendo su outo riba Corrieweg ora ku direpente un patruya a par’é i akus’é di tabatin telefòn na su orea.
El a bisa ku a surgi un diskushon chikí entre e i e agente, pa motibu ku e ta bisa ku kon porta e polis por par’e i bisa ku e tabata papia na telefòn siendo esei no ta kuadra.
Segun e akusado e ta pensa dor ku e tabata kore ku un velosidat abou i ku su man na su banda di kara nan lo a kere ku e tabata na telefòn.
Fiskal despues di a tende e akusado, a bisa ku e ta dun’é benefisio di duda i ta apsolvé for di e but.
Hues tambe den su desishon a bai di akuerdo ku fiskal.