WILLEMSTAD - Vários ta e kamindanan ku ta den un situashon di preokupashon i ku ta trese peliger pa tráfiko. Ayera  Sta. Rosaweg tabata esenario pa un aksidente entre un Kia i un Audi.

Un dama shofùr di e Kia a spliká ku e la baha for di kaminda i kai den un buraku kual a pone ku e la pèrdè kòntròl i a bai dal den un
Audi ku tabata bini for di direkshon kontrali.

Polis a presentá na e sitio i a pidi presensia di ambulans pa asina transportá e dama pa hospital mirando ku e la risibí sla na kabes i pechu.

Esaki no ta promé aksidente ku ta tuma lugá riba St. Rosaweg pa motibu di e buraku, pa ta eksakto nèt na altura di Ackerman.

Vários outomobilista ya a tuma nota di e buraku ku tin kantu di kaminda na e sitio aki kual ta peligroso.

Ta bon pa  instansianan konserní atendé e situashon aki pronto pa asina evitá ku un desgrasia lamentabel lo por tuma lugá. Riba e kombinashon di foto por tuma nota ku a midi e buraku i esaki ta mas hundu ku 10cm hundu.

default