Update: Shofùrnan a blòkia entradanan di WTC

WILLEMSTAD.- Un ratu pasá mester a pidi asistensia di polis debí ku un grupo di shofùr di dòmtrùk a disidí ku nan ta blòkia entradanan di World Trade Center (WTC) na Parasasa. E promé informashon ku EXTRA a risibí na e sitio ta indiká ku e shofùrnan lo ta malkontentu pasobra nan lo tin hopi pedido pa diabas, pero nan lo no por haña diabas i base di esei nan a bai na WTC i blòkia tur entrada. Den WTC tin ofisina di Domeinbeheer, ademas tin ofisina di hopi otro kompania mas ku no tin nada di haber ku Domeinbeheer ni gobièrnu.

E informashon di último ora ku EXTRA a risibí ta indiká ku e shofùrnan a logra haña un reunion di sr. Martis di Domeinbeheer pero nan eksigensia ta ku nan mester drenta e reunion ku prensa si no nan no ta drenta. Nan ke prensa komo testigu.

Jairo Martis di Domeinbeheer a aseptá pa reuní ku e shofùrnan di trùk, pero no den presensia di prensa. Prensa por a saka potrèt di e entrada den e sala pero no a haña pèrmit pa keda den e reunion.

 

SHARE

LEAVE A REPLY