WILLEMSTAD.- Durante kontrol di tráfiko di polis i tambe milisia, basta vehíkulo a bai kas riba kran. Esaki debí ku shofùrnan tabata manehá nan vehíkulo sin dokumentonan na òrdu òf sin un reibeweis.

Tabata remarkabel kuantu historia e shofùrnan tabata trese dilanti na polis pa hustifiká e echo ku nan ta riba kaya ku un vehíkulo di kual e dokumentonan no ta na òrdu. Polis  a indiká na e shofùrnan bon kla ku nada no por hustifiká ku ta kore riba kaya ku un vehíkulo sin papel.

Si e vehíkulo no tin papel e mester para na kas paso si algu pasa ta bira mas problema pa e shofùrnan.