Holiday Spin: Shop, Spin i selebrá dianan di fiesta ku Fun Miles App

WILLEMSTAD.-  E emoshon di fin di aña ta bèk! Pa di dos aña konsekutivo, Fun Miles i su partnernan ta lansa Holiday Spin, un kampaña festivo yená ku premionan grandi. Miembronan por hunga fásilmente den e Fun Miles App pa gana diferente premionan manera un Volkswagen Tera di Select Automotive, un sèt di Emerald di Freeport Jewelers i un iPhone 17 di FLOW. E kampaña ta dura di 2 di novèmber 2026 te ku 8 di yanüari 2027.

Kon pa partisipá na Holiday Spin

Miembronan ta risibí un partisipashon, kemen un ‘PLAY’ dor di kumpra i skèn e Fun Miles App na e partnernan partisipante. Kada un ‘PLAY’ ta duna e miembro un chèns pa drai e wil digital di Fun Miles den e app. Riba e wil tin premionan instantáneo i tambe balanan di Pasku di e partnernan prinsipal ku por kolektá.

E premionan instantáneo ta inkluí entre otro voucher di deskuento, Bonus Miles, ticket di ida i buèlta i giftcard grátis.

Riba e balanan di Pasku tin logo di e partnernan prinsipal di e kampaña: Kooyman, Van den Tweel, MCB, Kompa León i ENNIA. Kolektá tur kuater bala di Pasku pa kompletá un ‘ticket’ digital den e sorteo grandi. Mas ‘ticket’ bo kolekta, mas chèns bo tin pa gana.

Oumentá bo chèns!

E aña aki tin manera adishonal pa gana PLAYS. Bishitá e Fun Miles App tur dia, pa sinku dia konsekutivo, traha un ‘STREAK” i risibí un PLAY grátis. Miembronan por risibí ‘PLAYS’ tambe na momento ku bishitá e ‘Holiday Spin Roadshows’ na e partnernan partisipante òf interkambiá aktivamente ku Fun Miles riba medionan sosial.

E premionan grandi

Kada partisipashon ta hiba bo mas serka di e premionan grandi i fabuloso, manera:

▪ Un Volkswagen Teran di Select Automotive ku un aña di Seguro di Outo di ENNIA i XCG

1500,- di gasolin

▪ Un sèt di Emerald di Freeport Jewelers

▪ Un biahe di bo soño pa 2 persona di Mau-Asam Travel

▪ Un iPhone 17 ku un plan di Hybrid pa seis luna di FLOW

▪ Un aña di kompra grátis di Van den Tweel

▪ Dos bia 100.000 Fun Miles di MCB

▪ Un aña di gasolin grátis di UBIPay

▪ Un aña di carwash grátis na BOB Carwash

▪ Un bale di biahe di TUI na balor di XCG 2000

▪ Un bale di kompra di Kooyman di XCG 1800

▪ Un biahe di ida i buèlta di Winair

Partisipá den e Fun Miles App

Holiday Spin ta disponibel únikamente den e app di Fun Miles ku ta grátis. Miembronan por mira tur nan ‘PLAYS’, balanan di pasku, ‘voucher’ i premionan kolektá den un aplikashon. Miembronan nobo por registrá den algun minüt i partisipá mesora. E app ta disponibel den App Store i Google Play.

Tokante Fun Miles

Fun Miles ta aktivo mas ku 25 aña i ta un programa popular na sinku diferente isla den Karibe. Miembronan ta spar Fun Miles na nan kompanianan faborito, troka Fun Miles pa produkto òf servisio grátis i disfrutá di deskuento, ofertanan spesial i kampañanan ku premionan fantástiko.

Partnernan di Holiday Spin

Kooyman, ENNIA, Van den Tweel, MCB, Kompa León, Select Automotive, Freeport Jewelers, Mau- Asam Travel, FLOW, UBIPay, TUI, BOB Carwash, WinAir, The Movies, Avila Beach Hotel, Feetfirst, Athletes Foot, DA Drogist, Jamin, Top 1 Toys, Pearle Vision, Beauty X, Bruna, Changes, ProSport, Zipline Adventures na Hòfi Mango, Jewish Museum i MyMalls