WILLEMSTAD.- Riba 16 di yüni 2026 diferente instansia a tene un simulashon den Punda ku e meta pa kontrolá seguridat i aksesibilidat di ekiponan pisa, manera entre otro brantspùit i vehíkulo di reskate.
Brantwer Kòrsou, Kuerpo Polisial (KPC), Ministerio di Desaroyo Ekonómiko (MEO), Servisio pa Planifikashon Urbano (ROP), Projectteam Toezicht en Handhaving (PTH) i Servisio pa Obra Públiko (OW) a tene un simulashon aki konhuntamente
A hasi e simulashon den Colombustraat, Madurostraat, Hanchi Snoa, Gomezplein, Breedestraat, i Keukenstraat.
Durante di e ehersisio, por a konstatá presisamente e puntonan di atenshon, manera entre otro; terasnan, bankinan di betòn, bakinan di mata, palu di lus, daknan ku tabata stroba pasahe na sierto parsela, lusnan i dekorashon den laira
MEO a indiká spesífikamente na sierto komersiante ku lo mester adaptá nan pèrmit, den kuadro di seguridat i aksesibilidat di ekiponan pisá di paga kandela, i ku nan semper mester kumpli ku nan pèrmit.
Lo traha un rapòrt di e simulashon ku tur punto konstatá pa por remediá esakinan mas pronto ku ta posibel.