WILLEMSTAD.- E dianan aki tin un kompania di bishita na Kòrsou, ku a mustra interes pa operá Refineria Isla. E kompania su nòmber no ta konosí pa públiko debí na ‘non disclosure’ firma entre partidonan. Pa fasilidat ta yama e kompania FIONA. Di tur manera e kompania a pidi pa papia ku e kuater sindikatonan ku ta representá trahadónan riba tereno di Isla i COT. Pues nan a pidi pa papia ku STK, SGTK, APRI i PWFC. Pues FIONA tei na Kòrsou i ta papiando na e momentunan aki ku sindikatonan. EXTRA a komprondé ku tur dirigente sindikal a bai e reunion ku mente habrí pa skucha kiko FIONA lo tin di bisa. Naturalmente hinter Kòrsou ta spera ku e kòmbersashonnan lo kana bon i ku tur esnan konserní lo duna di nan banda, speshalmente esnan ku mester kuida interes di trahadónan. Mas detaye den edishon di EXTRA.