WILLEMSTAD.- Sindikatonan ku ta representá trahadónan den kuerpo polisial ta hasi yamada urgente na tur nan miembronan pa un reunion urgente den kua nan ke bai trata algun desishon ku minister di hustisia a tuma òf ta bai tuma próksimamente. Den un mensahe oudiovisual e dirigentenan sindikal sra. Harms di Straf, sr. Vilchez di SAP, sra. Isidora di NAPB ta invitá e miembronan.

E invitashon ta pa djaluna 6’or atardi na un reunion virtual via Zoom. Den esaki ta splika ku minister di hustisia ta nombra miembronan den tim di maneho di e Kuerpo sin pasa e proseso ku gobièrnu mes a kuminsá implementá for di 2014.

Den e reunion virtual djaluna lo trata maneho di solisitut i tambe e landsbesluit houdende algemene maatregel ku ta trata e asina yamá “vertrouwensfuncties”, tambe lo trata vakaturanan den tim di maneho i e realidat den e kuerpo riba nivel di maneho.