WILLEMSTAD. - Den un karta firmá pa Presidentenan si Sindikatonan ABVO, UPAH i APT a manda pa Konseho di Minister, nan ta urgí Konseho di Minister pa nan por sinta na mesa mas pronto posibel, pa atendé e problemátika di “Duurteteslag”. E loke ku e komishon di organisashonnan di penshonado ta pidi, ta pa den un reunion kòrtiku nan por trese nan preokupashon i sugerensianan dilanti pa un solushon di e problemátika aki. Motibu ta ku APC no por sigui adelantá e sumanan di “duurtetoesla”, mirando e echo ku nan tin di garantisá penshun na su partisipantenan. E organisashonnan di penshonado ta spera riba un invitashon mas pronto posibel. Extra lo amplia riba e karta den su edishon di mayan mainta.