Sindikatonan PWFC i APRI serka minister Camelia-Römer awe mèrdia

WILLEMSTAD.- Trahadónan di Refineria Isla ta sigui awe den akshon i nan a bisti na pretu pa enfatisá e akshon. E Trahadónan a duna nan lidernan sindikal mandato hopi kla ku mester keda den akshon. E motibu pa kua nan a hiba karta na kas di minister Martina di Ekonomia i minister Camelia-Römer di Salubridat ta pasobra ta firma di minister presidènt Rhuggenaath so a firma e karta.

E Trahadónan kier a haña sa sigur si a trata e asuntu den Konseho di Minister. Minister Camelia-Römer a invitá e sindikatonan pa awe 3’or reuní kuné. Minister Camelia-Römer ke mira e puntonan a base di kua sindikatonan no ke mira clift Christiaan den e komishon ku ta atendé negoshashon pa buska partner pa Refineria Isla.

Sindikatonan ta bisa ku nan tin prueba dikon nan no ta konfia Christiaan i nan ta bai presentá e pruebanan aki serka minister Camelia-Römer awe mèrdia 3’or.