UOVV introdusí

WILLEMSTAD.- Ku e meta pa mehorá i modernisá su servisio, Servisio pa Tráfiko i Transporte (UOVV) ta introdusí un sistema digital nobo pa registrashon di vehíkulo nobo entrante 8 di yüli 2025. UOVV ta introdusí tambe e posibilidat pa traha sita pa re-inspekshon online.

Link pa por hasi ámbos servisio online ta:
https://sita.gobiernu.cw/prod

Siudadanonan tin akseso 24 ora pa dia, 7 dia pa siman pa hasi su trámite ‘online’ na un manera mas fásil, rápido i efisiente.

Ku e inovashonnan aki, UOVV ta sigui traha riba un servisio públiko mas moderno i efisiente, den kuadro di e strategia general di digitalisashon di Gobièrnu di Kòrsou.