WILLEMSTAD.-Awe mainta e sindikato Sitek a invitá tur su miembronan pa un reunion di urgensia. E reunion aki a kuminsá 10’or i a tuma lugá na sede di e sindikato na Kura Piedra. E motibu prinsipal di  reunion di urgensia ta debí ku no a kumpli ku palabrashon di ougustus i e shofùrnan ku ta transportá muchanan di skol ta puntra kiko mester hasi mayan djaluna! Informashon ku EXTRA a kompilá na e sitio ta ku aparentemente ABC Busbedrijf lo no a paga manera a keda akordá, esta ku na ougustus tur shofùr mester kobra nan sèn normal anto na sèptèmber ta bini ku e adaptashon.

A sali na kla ku esnan ku ta hasi transporte ta usa hopi gasoil pa aña. A kuminsá pensa pa kumpra gasoil serka ABC Busbedrijf, pero esei ta dependé di hopi otro instansia pa duna e pèrmitnan nesesario. Un di esnan ku mester duna su aprobashon ta doñonan di pòmp. Mas detaye den edishon di EXTRA.