WILLEMSTAD.-Awe mainta a surgi un situashon ku a kousa preokupashon grandi serka abitantenan di Monte Carmelo, e área patras di Kraamkliniek. Despues di bastante áwaseru abitantenan a ripara ku si nan no hasi nada posiblemente nan kas por yena ku awa. Esei a pone ku algun habitante a sali nan kas i bai hasi esfuerso pa limpia e boka di un riol. Tabatin asina tantu lodo i otro sushi den boka di riol ku e awa no por a pasa bai laman. Tremendo trabou di un grupito di siudadano ku a sali pa kuida nan kas i di otro bisiñanan.