WILLEMSTAD.- Situashon di COVID ta pone ku no tin hopi sèl pa sera esnan ku keda detené últimamente.
Segun bosero polisial sr. Imro Zwerwer, henter e asuntu di COVID ta pone hopi preshon riba e funshonamentu di Kuerpo Polisial di Kòrsou. Banda di esaki nan ta trahando ku un kapasidat di polis hopi abou debí ku tin hopi agente den karentena. Zwerwer ta splika ku e problema di kapasidat di sèl ta ku nan no por sera mas ku 3 hende huntu debí ku mester tene kuenta ku e reglanan di COVID.
Tin hende ku mester wòrdu isolá nan so den un sèl i esei ta hasi e problema aun mas grandi.
Zwerwer a bisa ku apesar di skarsedat di sèl, nan ta hasiendo lo máksimo pa resolvé e problema aki i tambe ta keda hasi nan trabou manera pueblo ta spera di e organisashon i no ta tambaliá pa atendé ku esun ku kometé algu kontra lei manera mester ta.