WILLEMSTAD.-Te na e momentu aki ku nos a yega mèrdia, tur kaminda tin koriente pero e situashon ta keda unu delikado. Na palabra Neysa Isenia, direktor finansiero di kompania di utilidat Aqualectra. Djaluna den oranan di mèrdia koriente a bai i despues a realisá ku ta un blackout total a surgi. Den atardi lat e diferente áreanan a kuminsá haña koriente bèk.

EXTRA a chek ku Aqualectra i sra. Isenia a duna di konosé ku te ku awe mèrdia tur hende tin koriente. E problema ta ku ainda e situashon ta delikado i komo tal no por duna niun garantia te na momentu ku kaba ku análisis i investigashonnan.