WILLEMSTAD.- Na un edifisio situá riba Kaminda Saliña tin un situashon basta peligroso.

E edifisio en kuestion ta unu bandoná. Pero ya pa basta tempu tin plachinan di zim di e dak ku a kuminsá lòs i te asta palunan ku tabata wanta esaki.

Resientemente pida plachi di zim a lòs i kai riba un vehíkulo.

Tambe e área aki ta unu ku frekuentemente hende ta kana bai bin mirando ku tin bòrchi di bùs den serkania. Ta bon pa e instansianan òf persona konserní tuma nota di e situashon i atendé ku estado di e edifisio aki promé ku ta lat.