WILLEMSTAD. - Un trèker ku tabata saliendo for di haf direkshon Nieuwehaven e shofùr un dado momentu a tuma nota ku e “flatback” ku e tabata ranka, a kèntel for di riba e chasis di e trèker. Mesora e shofùr a para esaki pa evitá un situashon peligroso.

Tráfiko a keda opstakulisá pa basta ratu miéntras, mester a warda pa un otro trèker yega pa duna asistensia.

Polis a presentá na e sitio i tabata dirigí e tráfiko.

E tim di inspekshon tambe a presentá na e sitio pa tuma nota di loke a sosodé i pa hasi investigashon den e kaso aki.