WILLEMSTAD. - Outomobilistanan a bati alarma relashoná ku un buraku ku tin riba Weg naar Westpunt den área di Wechi.

Ta asina ku tin un buraku bastante grandi riba e kaminda i ku ta kousa peliger diariamente pa outomobilistanan. Konstantemente tin personanan ku ta kap nan tayer di outo den e buraku aki. Den kaso ku shofùr nan mira esaki delantá òf riba man, nan ta purba hala na otro banda di kaminda pa evitá e buraku, ta pone ku nan por aksidentá den vehíkulonan ku ta bini di banda kontrali.

Ta hasi un supliká na instansianan konserní pa laga drecha e buraku aki mirando ku e kaya aki ta hopi frekuentá. Mester atendé e situashon promé ku esaki bira un desgrasia.