WILLEMSTAD - Falta di personal den salanan di operashon di Curaçao Medical Center (CMC)
ta kousa retrasonan i lástimamente vários kanselashon di sirugia. Na kapasidat kompletu, tur 7 sala di
operashon por ta den funshon, pero ku e skarsedat di personal pa 11 posishon ku ta konsistí di asistente di anestesiología, asistente di sala di operashon, asistente di sterilisashon i enfermeronan di sala di
rekuperashon, CMC por konta ku sufisiente personal pa hasi uso di solamente 5 kamber di operashon.

E motibu pa e skarsedat di sala di operashon ta e kantidat di personal ku a retirá for di CMC den e último
lunanan. Tabatin hopi preshon riba personal durante e pandemia di COVID-19 i dirèkt despues nan mester a sigui traha duru pa baha e lista largu di espera. Nan ta agotá i ku strès, pues algun a tuma e desishon pa skohe pa un otro oportunidat, sea lokal òf den eksterior. E skarsedat akí ta resultá den aproksimadamente 60 pa 70 ménos operashon pa siman. E departamentu di rekurso humano ta trahando duru, buskando lokal i den eksterior, pa por kubri e
puestonan habrí mas pronto posibel.