WILLEMSTAD.- Un di e kompanianan lokal ku tambe a forma parti di e delegashon ku a bishita Haiti na okashon di e promé buelo di Sunrise Airways pa Haiti, ta Skempi ku na e okashon ei a firma un MOU ku Trogon International di Haiti. Lo bai usa e plataforma di Skempi pa promové músika di Haiti i di Kòrsou visevèrsa. Ta trata di un proyekto hopi ambisioso. Esaki ta forma parti di Skempi su ekspanshon den region karibense di kual Cuba tabata nan delaster logro 3 siman pasá. Riba e kombinashon di foto por mira entre otro momentu ku Gino Jacobs di Skempi tabata firma e MOU huntu ku otro partnernan i representantenan di Gobièrnu di Kòrsou.