WILLEMSTAD.- Gobièrnu di Kòrsou a tuma desishon ku, entrante 28 aprel 2021, skol di fundeshi i skol sekundario (VSBO/HAVO/VWO) ta habri bèk. E desishon aki ta unu di Ministerio di Enseñansa, Siensia, Kultura i Deporte den estrecho koperashon ku Tim di Krisis/EPI, Examenbureau (ETE) i Inspekshon di Enseñansa. Sentronan pre-eskolar tambe por habri, miéntras SBO, HBO i edukashon universitario ainda ta sigui den forma virtual.