WILLEMSTAD.- Ayera atardi un kantidat di patruya a keda dirigí ku urgensia pa Biesheuvel. Esaki despues di a risibí informashon di un posibel kaso di menasa ku arma di kandela ku a tuma lugá.

Na yegada di e patruyanan, a topa e sospechoso nèt na altura di e pòmp di gasolin. A baha e sospechoso for di e vehíkulo, a kontrol’é i tambe a kontrolá den e vehíkulo.

For di lokual por a komprondé, un hòmber a bai na e adrès pa asina kobra e sospechoso sèn di un trabou ehersé. A surgi un diskushon i dado momentu e hòmber ku a bai kobra a tende algu zona paresido na un arma di kandela. Mesora e hòmber a bandoná e sitio i pone outoridatnan na altura.

Aparentemente tabatin un konfushon pasó e sospechoso a indiká ku ta un slòt di porta el a mishi kuné i esaki a zona manera un arma.