WILLEMSTAD.-Landsloterij den un informe ta indiká ku debí na e situashon di wer ku ta spera awe nan a tuma e desishon pa posponé e sorteo grandi di brièchi ku mester a tuma lugá awe 6 di oktober.

Landsloterij ta splika ademas ku e áwaseru lo a stroba rebendedónan durante di último dianan pa logra un benta maksimo pa loke ta trata e sorteo mionario ku tabata programa pa awe.

Pues ta posponé e sorteo di awe te un próksimo aviso. Den e kuadro aki ta pidi tur kliente pa keda pendiente pa e fecha nobo di e sorteo mionario i pa tur hende warda nan brièchi bon pasobra e ta keda bálido.