Nos ta yegando na otro kambio di aña. 2020 i 2021 tabata un poko difísil i a trese retonan kuné. Sra. Silvia Prince Mercera ta konta ki holó, fragansia, ki koló i e señal zodiak ku ta dominá e fin di aña aki. “Fin di e aña aki nos tin hopi kos tin pa papia di dje”, asina sra. Prince a bisa. Tantu piedra, sensia, essential, bela i hopi mas.

Koló

Kon nos lo kambia 2021 pa 2022. E kolónan ku ta mas preferí pa e aña aki su kambio ta oraño, lila i blanku. Esaki ta e kolónan ku tin di konsentrá riba dje.

Holó

Pa loke ta holó mester pone apelsina, mandarein no mester falta i tambe tin di pensa riba lavender. E motibu ta pasobra tin hopi reto i nos mester ta trankil pa enfrentá tur.

Limpiesa profundo

Pa loke ta kambio di aña mester pone kosnan pa limpiesa profundo. Tur hende ta haña nan opstákulonan i bo ke kita esakinan promé ku hasi otro kos. E opstákulonan, sra. Silvia ta pidi tur hende pa konsentrá riba Sage, Palo Santo, Benzu, eseinan ta pa klara e oura i ambiente pa kosnan positivo por drenta. I kosnan positivo ta dal nan ku mandarina ku ta pa e mente. Mandarina i menta i rosamarein e ta konsehá tur hende pa usa.

Baño

Pa loke ta e baño sra. Silvia a splika ku semper por usa produktonan ku sea nan ta traha pa e kliente òf e kliente mester tin. Kòrda pone mandarina aden, menta, lavender pa asina trankilisá, rosamarein, sandalo. Ilang Ilang pa amor i por pone tambe pa balansa e mente un Jasmin. Esei ta loke e kliente por usa pa e mes traha su baño pero dependé e presupuesto di kada hende i si kisas 7 essential ta hopi, por usa ménos. Nan ta rekomendá pa usa essential pasobra ta djis un tiki ta usa i e holó ta keda mas mihó, ademas e ta biológiko i sin kímiko. Pero por usa tres essential so ku ta rosa, rosamarein i menta.

Limpia kas

Den limpiamentu di kas esaki tin di sosodé semper di patras bai dilanti. Usa amoniak òf tèrpentein i ta limpia e kas di patras bai dilanti. I di dilanti bai patras ta usa e mandarina, rosa òf 7 sorto. Serka nan e 7 sorto ta keda traha ku essentials. Tur nan awa ku nan ta traha, e kliente por laba kas kuné òf baña kuné pasobra tur ta traha ku essentials. Nan essentials ta traha di zeta ku ta real. No tin nada kímiko den nan i por usa esaki na kurpa.

Sensia

Den sensiamentu di kas mester menshoná ku tin e  Palo Santo i Benzu i Ambar. Tin di usa nan di patras bai dilanti. Tin hende no tin tempu pa usa ku karbon i nan ta usa e sage. E sage ta limpia e ambiente. Ora kaba ku e karbon tin di tir’é na porta di kas, parti pabou, kaminda ta tira tur kos afó. I ta pone karbon nobo i esei ta usa di dilanti bai patras. Por usa tres rei, sensia fini di misa òf 7 sorto ku nan tin ku tur e kombinashonnan den dje. Ku e sensia ei ta pasa di dilanti bai patras i finalmente pone mei mei di kas pa e manda e holó dushi. Despues ta habri bentana pa kas haña e holó di sensia.

Tiger

1e di febrüari ta drenta aña di tiger i p’esei mester tin e señal di un tiger den bo lugá pa habri aña, Tiger ta pa poder i tambe pa enfrentá tur loke ta bin i keda riba pia. E piedra di aña ta e Yellow Tiger eye, Jade, turmalina negra. E Jage ta pa trese abundansia, éksito i tambe e sali i amistat. E turmalina negra ta kontra ta mal energia. Pa tur loke ta mal energia e ta kita, E por ta asina energia di kòmpiuter e ta kontra di dje. E yellow tiger eye ta pa poder, balansa pa por balansá e mente i asina bai den direkshon positivo.

Piedra di aña

Na Botanical Scents òf Nature tur aña ta saka e kombinashonnan di piedra pa traha komo prenda. E aña aki tin e turmalina, e yellow tiger eye i Jade. Nan tres huntu por traha armbant di dje, por pone nan komo piedra i traha kadena. Ta e piedranan ei ta bai ku otro pa 2022.

Lus den kas

Botanical Scents òf Nature ta agente pa mas di 20 aña di Village Candle. Pa e temporada di Pasku nan tin Pino pero pa aña nobo no por falta e orange cinamon òf apple cinamon,  Kolónan manera kòrá, hel, ta hopi sorto di fragansia di Village Candle tin banda di e Pino. I fin di aña tur hende sa ku ora tiru ta zona, mester pone lus den bo kas. Lus ta trese alegria. E ta trese prosperidat, positivismo. I banda di e lus ei un holó agradabel pa asina finalisá aña i kuminsá aña nobo kuné.

Paketenan di regalo

Tin paketenan masha spesial pa hasi un ser kerí un regalo fin di aña. E paketenan aki segun sra. Silvia Prince ta kla trahá. Den dje tin sensia, karbon, awa i tur loke mester pa hasi e limpiesa di pia te kabes. Banda di esakinan nan tin e tigernan pa finalisá aña kuné den kas. Tin tambe e fuente di awa. Fuente di awa ta esun ku ta hasi limpiesa den bo kas, bo kantor i esei tambe ta masha bunita pa kuminsá aña kuné.

2022 ku reto

Pa 2022 Silvia ta premirá ku e por kuminsá mas mihó pero e no ta algu pa sinta warda si, ta algu pa traha duru riba dje. Tin reto i mester para riba bo pia, bo mester tin bon balansa pa enfrentá e retonan ei i keda riba pia. Ta asina so por mira e resultado. Ora tin bon resultado ta trabou tabatin.

Mantené medidanan di seguridat

Na Botanical Scents òf Nature nan ta tene kuenta ku tur e medidanan dis seguridat. Tur hende m mester ta kubrí, tur hende mester ta safe ora bai kumpra kos einan. E aña aki tambe tabatin algun ‘lockdown’ chikí pero mester tene kuenta i adaptá tur servisio. Dianan di festa nan ta habri di 8 or mainta te 7 or di anochi, dia 24 ta habri di 8 pa 6 or atardi i dia 31 tambe di 8 or pa 6 or atardi. Pa kualke pregunta por WhatsApp (5999) 5153967 i por ‘follow’ tambe riba Facebook i por hasi pedido.