WILLEMSTAD.- Djasabra 4 di novèmber 2017 alrededor 12.30 or e sospechoso di e kaso di tiroteo ku morto
den e área di Mahuma a presentá na Warda di Reshèrshi i a entregá su mes na outoridatnan.
E sospechoso aki, N.M.D. nasé na Kòrsou di 30 aña di edat tin laso familiar ku e víktima Jurven Maria.
Motibu di e tiramentu aki probablemente tin di aber ku un problema ku (tabata)tin entre e víktima i e sospechoso.

A presentá e sospechoso dilanti di un Fiskal Ouksiliar ku a ordená su enkarselashon pendiente mas investigashon.