WILLEMSTAD – Awe mainta riba un buelo di DiviDivi for di Boneiru a trese e sospechosonan den e kaso di asesinato di Boechi. E sospechosonan a keda transportá for di prizòn na Boneiru pa aeropuerto Flamingo pa asina keda transladá pa Kòrsou. Tim di prizon i Tim di Aresto a kustodia e sospechosonan riba e buelo. Ku dos jeep nan a keda transladá pa sentro di detenshon. Manera ta konosí Korte lo bai trata e kaso aki ‘pro forma’ mayan. E ora ei lo pone fecha pa tratamentu di e kaso kompletu. Manera ta konosí tin dos sospechoso enkarselá relashoná ku e kaso aki.

Dia 7 di Aprel Ulanda a detené e hòmber Churendi C. komo promé sospecho di ta envolví den e asesinato. Dia 26 di aprel outoridatnan na Kòrsou a hasi e di dos detenshon den e kaso. E ta trata hòmber C.Z., nase na aña 1999, komo sospechoso den e kaso aki. El a keda arestá den un kas na Mexicoweg.
Dia 9 di desèmber 2022, den oranan lat di anochi Ruchendell Bonifacio Windster konosí komo Boechi a keda likidá riba Rooseveltweg.