Habitantenan di Aruba, Kòrsou i Sint Maarten e lunanan binidero tambe por konta ku e sosten di gabinete hulandes, asina a disidí awe riba rekomendashon di Sekretario di Estado Knops di Asuntunan Interno i Relashonnan den Reino, den Konseho di Minister di Reino. Na e tres paisnan ayudo di kuminda ainda ta masha nesesario.

Sekretario di Estado Knops: “Den e lunanan tras di lomba mi a bishitá Krus Kòrá na Aruba, Kòrsou i Sint Maarten. Mi a papia ku habitante den nos Reino ku diariamente mester di ayudo di e organisashon aki diariamente pa pa por biba. Gabinete semper a indiká ku espesialmente e hendenan di mas vulnerabel aki no por laga nan na kaya.”

Gabinete hulandes ta haña ku ta di gran importansia pa sostené e gruponan vulnerabel na Aruba, Kòrsou i Sint Maarten. Aktualmente na Kòrsou 15% di e poblashon ta dependé di ayudo di kuminda ku Hulanda ta hasi posibel i na Aruba i Sint Maarten ta mas o ménos 20% di e poblashon. Aktualmente ta konsiderá ku e kantidat di hende ku mester di yudansa lo keda igual sigur te zomer.  Ku e 14.9 mion aki ayudo humanitario pa e tres paisnan ta garantisá te por lo ménos aprel. Den mart gabinete lo disidí tokante di prolongashon.

Regalo

E tres paisnan aki den nos Reino a haña sla humanitario i ekonómiko duru pa motibu di e krísis di corona. E paisnan ta masha dependiente di turismo, pero e sektor aki ainda ta pasa masha trabou pa motibu di e vírùs COVID-19. Krus Kòrá ta kordiná e ayudo humanitario aki. E lunanan binidero ta traha ku e paisnan pa yega na un transishon di e programa di ayudo di kuminda, kaminda e responsabilidat ta pasa di Krus Kòrá pa gobièrnu lokal. Ta duna e 14,9 mion euro aki komo regalo.