WILLEMSTAD.-Den e promé briefing ku Konseho Supremo Elektoral a duna pa awe i tambe relato di e diferente reporteronan di EXTRA ku ta kubri e dia aki, por yega na e konklushon ku e sostenementu di lista ta bayendo hopi trankil te ainda. Na algun urna e sistema a kai afó pero a logra remediá e situashon bastante lihé. Te ku 12’or a registrá 3052 hende ku a bai sostené un lista polítiko. Na Brievengat a vota te e orario menshoná 500 hende, na Julianadorp esei tabata 360 i na Bonam 310. E proyekshon ta ku pa mayan alrededor di 12000 pa 13000 hende lo a bai sostené un lista.

KSE a hasi apelashon na votadónan pa na momentu ku yega na un urna i sigur e urnanan unda tin mas ku un lugá unda por vota, por fabor no bai para riba otro pero skohe e otro urna ya asina tur hende ta kaba mas lihé. Kòrda mantené distansia.

Na prizòn tambe a bai hopi bon. Tin 11 blòk ku ta vota mas ku 30 detenido or vota. Nan ta yama nan kada blòk separá. Te ainda 82 persona den prizòn a sostené un lista.