11 sitio pa sostené lista

WILLEMSTAD.-Manera indiká e sostenementu di lista ta tuma lugá djasabra i djadumingu 30 i 31 di yanüari respektivamente. Esaki ta tuma lugá di 08:00-20:00 (8’or di mainta pa 8’or anochi). Tin 11 lokalidat ku en total 14 urna kaminda e votadó por duna su sosten na e partidonan ku ke bai elekshon ku aktualmente no tin asiento den Parlamento. Kada partido mester haña 789 voto di sosten, kual ta 1% di 78.830 kual tabata e votonan bálido di e delaster elekshon na 2017. Ta bon pa mi enfatisá ku ounke ainda den boka di pueblo ta papia di haña firma, no tin nada di firma den esaki. Pues ta fout pa bisa ku e sosten ta firma. E sostenementu di lista ta bai kasi igual ku votamentu durante dia di elekshon riba un ondersteuningsbiljet.

E diferente urnanan ta:

1 Urna   Kolegio San Hose na Barber

1 Urna   Kolegio Annie Koenraad na Tera Cora

1 Urna   Atanacio Emilo Goiloschool na Julianadorp

1 Urna   Sentro di Bario Sta. Maria Seru Fortunaweg, Sta. Maria

2 Urna   St. Antonius College Seru Fortunaweg, Sta. Maria

1 Urna   Kolegio Sta. Famia Otrobanda

2 Urna   Glorieux College na Brievengat

1 Urna   J.W.Th. Schotborghschool Koraal Specht

1 Urna   Sentro Bario  Bonam

2 Urna   Maris Stella VSBO Montaña di Rei

1 Urna   Sentro Detenshon i Korekshon  Prizòn