WILLEMSTAD.-E speransa tei serka partidonan ku a gana elekshon, i ku ta den negosiashon pa forma un gobièrnu ku den komienso di mei lo por logra ku e gabinete nobo tambe lo sinta. Esei e presidente di MFK Sithree van Heydoorn a informa prensa.

Ni e partidonan ni su ekselensia gobernador no tin den man kon lihé e proseso ta kana pa forma un gobièrnu nobo. Partidonan a pone un deadline pa nan mes.

Van Heydoorn ta mustra ku e echo ku tantu MFK komo PNP ta riba mesun liña pa loke ta trata vários punto ta pone ku e negosiashonnan ta kana mas fásil.