Oregon.- Un grupo di piskadó mester a bula purá den e riu friu Columbia River na Oregon pa skapa nan bida na momento ku un spitbot, moviendo riba velosidat haltu, a dal di forma violento kontra nan boto di 20 pia.

E tres piskadónan, un hende muhé i dos hende hòmber a resultá ku leshon ku tabata rekerí di atenshon médiko. Un di e víktimanan ku ta un agente polisial Maess ku den su ora liber ta piska salmou a sufri leshonnan na su ènkel, pia i brasa.

E hòmber Marlin Lee Larsen di 75 aña di edat ku tabata manehá e spitbot a deklará ku e no a mira e boto for di e posishon ku e tabata sinta. Pero Maess a sigurá ku Larsen tabata usando su telefòn miéntras e tabata stür, algu ku Larsen ta ninga rotundamente.

Maess ta demandando Larsen pa un suma alrededor di 375 mil dòler.