WILLEMSTAD.-E kompania SPS Drilling ku a firma kontrakt ku Refineria di Kòrsou (RdK) algun dia pasa a anunsiá den nan ‘newsletter’ ku kumindando na oktober awor nan lo kuminsá manda krudo pa warda den e tankinan ku nan a hür na Bullenbaai. E siman aki RdK a anunsiá ku a firma kontrakt ku SPS Drilling.

E kompania ta indiká ku nan a sera un akuerdo di 1 aña ku RdK/CRU ku originalmente ta enserá ku por hasi uso di 5.8 mion bari na kapasidat di depósito.

Den un deklarashon na Argus, Manuel Chinchilla ehekutivo di SPS Drilling a bisa ku nan intenshon ta pa di forma gradual tuma tur e tankinan den operashon segun e trabounan di reparashon tuma lugá. Chinchilla a bisa tambe ku tin e opshon pa renobá e kontrakt ku RdK pero esei ta dependé di e negosiashonnan ku ta tumando lugá pa buska un operadó pa e refineria di Kòrsou. ‘Si nos no logra haña operashon di e refineria i un terser partido gana e bid, nos lo tin 60 dia pa finalisá e kontrakt. S e informe ta bisa ku mas ku 12 kompania ta den kompetensia pa hür di e refineria. Pa otro luna ta spera ku tur kompania a entrega nan proposishon konkreto.