WILLEMSTAD.- “Partido MAN a aserká mi persona ku e pregunta ku mi ta dispuesto pa sirbi komo Minister di Desaroyo Ekonómiko. Mi a bai di akuerdo mirando e situashon ku nos pais ta aden i sabiendo e empeño ku semper mi tin, esta, pa sirbi mi pais komo un yu di tera hóben profeshonal ku alabes ke mira nos Kòrsou bai dilanti”, segun Neysa Isenia Schoop kandidato pa Minister di desaroyo ekonómiko.

E ta bisa ku for di momentu ku sui kandidatura a bira konosí, el a tuma nota ku polítika i podernan tradishonal no tabata konfortabel ku su kandidatura i asta suptilmente tabata oponé esaki. El a opta pa laga e proseso di “screening” kana. “Awe ku kara na laria mi por bisa, ku mi ta konvensí ku konforme tur leinan vigente, mi ta apto pa ta un sirbidó di mi pueblo”, Neysa Isenia ta bisa.

Basá riba sirkunstansianan kreá pa polítika tradishonal, e ta gradisí pa e honor di a konsider’é pa

bira un Minister di Desaroyo Ekonómiko den e gabinete aktual. El a partisipá formadó i direktiva di

Partido Man ku e no ta disponibel mas pa okupá e funshon di Minister.