St. Elisabeth Hospital pa St. Elisabeth District

Gerensia di SEHOS ku splikashon di futuro di e edifisio 

WILLEMSTAD. – Dia ku a konstruí Sint Elisabeth Hospital e fraternan a pone un teksto na Latin den e “railing” di e trapi den e hal na entrada ku ta bisa  i esaki ta bisa:“Stet domus haec donec fluctus formica marinos ebibat, et totum testudo permabulet orbem”. Tradusí na papiamentu: “ E kas aki tin di keda eksistí te ora ku e vruminga bebe tur awa di laman òf ora ku e morkoi kana rònt mundu”.

Esaki tabata e posishon di e fraternan dia ku e hospital a keda konstruí. Esaki ta nifiká ku e kas ku lo keda atras despues ku muda hospital pa e edifisio nobo, lo mester keda pará einan pa semper i Direktor di e fundashon SEHOS a splika ku nan lo sigui e mishon di fraternan.

Ta konosí ku maneho di hospital den e edifisio aktual ta yegando su fin, pero esaki no ta nifiká fin di e fundashon.

E edifisio aki tin su balor históriko grandi pa komunidat i pa gobièrnu di Kòrsou. Saliendo for di e punto di bista ariba menshoná, gerensia a yega na e idea pa traha St. Elisabeth District.

For di aña 2017, hunta di supervishon i tambe e hunta di maneho a disidí ku mester mantené e edifisio despues ku hospital pasa over pa hospital nobo.

E ora ei a buska un ofisina di arkitekto pa wak kiko por hasi ku e edifisio na e sitio ku e ta, teniendo kuenta ku e hospital nobo i tambe e área di Otrobanda.

E konseho di e ofisina di arkitekto a duna algun konseho di posibel funshonalidat di e edifisio aki.

Mirando e echo ku Curaçao Medical Center (hospital nobo) lo bai tin un fushon sentral den Karibe, ku lo por bin pashèntnan di den region aki pa tratamentu. E edifisio di SEHOS lo por bira un hotèl ku por akapará famianan di esnan ku lo mester di kuido den e CMC. E edifisio lo por bira un kompleho di apartamentu di 80 pa 90 apartamentu ku por akapará médikonan ku lo ta traha na e hospital nobo. Por akapará tambe hendenan di edat avansá, por pone skol universidat, horeca di den dia i prinsipalmente e misa mester keda den uso.

E propiedat di poli i St. Thomas College ku no ta propiedat di SEHOS, pero ta di Gobièrnu, SEHOS a hasi e petishon pa nan rekonstruí esakinan tambe pa e por fit den e totalidat.

Kalkulashonnan pa rekonstrukshon ta keda kalkulá entre di 50 pa 60 mion florin i tin indikashonnan tambe ku e finansiamentu lo por bin for di “Nationale Restauratiefonds” i tin tambe invershonistanan interesá pa forma parti di e proyekto aki.

Den líneanan grandi Direktiva di SEHOS a tene kuenta ku tur aspekto i ya a hasi hopi investigashon i preparashon kaba i si tur kos kana segun plan e proyekto lo por kuminsá den aña 2020 i finalmente na 2025 e proyekto aki lo ta kla ku lo ta un balor grandi pa e área di Otrobanda i e hospital nobo i tambe pa henter Kòrsou i Gobièrnu di Kòrsou.

SEHOS ta papiando ku gobièrnu i tambe ku e gruponan di interes di área di Otrobanda kaminda ku ta splika tur hende e desaroyo di Otrobanda.

 

Un plan ambisioso i realisabel

SHARE

LEAVE A REPLY