WILLEMSTAD.- Ayera den oranan di atardi St. Franciscus College a tene nan sena di Pasku kombiná ku un show di lus, kual a karga e título "Laga e lus bria".

E atardi a kuminsá ku un momentu di reflekshon akompañá ku kanto di kor formá dor di algun alumno.

Despues kada grupo por a bai nan klas kaminda den un ambiente ameno nan a disfrutá di un tremendo sena di Pasku.

Na momentu ku solo a baha, e plenchi di skol a bira esenario pa un bunita show di lus kaminda tur alumno a karga nan bela na laira iluminando e anochi.

E anochi a klousurá ku un tremendo espektákulo di lus presentá dor di algun bailarina kompañá ku animashon di Tiziano.

Por a tuma nota kon tantu e alumnonan, dosentenan i tambe mayornan a disfrutá di e anochi ameno aki.