PHILIPSBURG.– Pasahero ku ta kompletamente vakuná kaba i ku ke bishita St. Maarten lo no mester hasi un tèst di Covid-19 mas. Esaki minister Omar Ottley di Salubridat, Desaroyo Sosial i Bienestar a bisa djárason último durante rueda di prensa di Konseho di Minister di Sint Maarten. E regla pa ‘no-test’ ta apliká solamente pa hende ku a keda vakuná ku vakunashon di Pfizer, Johnson & Johnson, Moderna i AstraZeneca. Pasaheronan mester a haña e vakunashon no ménos ku dos siman promé ku nan a bula St. Maarten.
Te ainda gobièrnu di St. Maarten no a duna fecha for di ki dia e regla nobo ta konta. Segun gobièrnu di St. Maarten rònt mundu diferente pais ta laga pasahero drenta ku ta kompletamente vakuná sin obligashon pa hasi un tèst di PCR.

PORTRET
Minister Omar Ottley di Salubridat, Desaroyo Sosial i Bienestar