PHILIPSBURG.- St. Maarten ta stòp ku vakunashon masal dia 31 di yüli. Esaki Vaccination Management Team (VMT) a duna di konosé djaluna último. E kampaña di vakunashon a kuminsá 22 di febrüari. Te ainda a vakuná 16.410 persona ku e vakuna di Pfizer. Tin 51.885 adulto riba e pais. Segun VMT e meta ta keda ku 85 % di poblashon adulto ta haña un vakunashon. Despues 31 di yüli lo no tin walk-in mas na sentro di vakunashon, tambe lo stòp ku e diferente ‘pop-ups’. Despues 31 di yüli hende por yama pa un sita. Pero un sita por bai dor solamente si tin minimal sinku hende ku por haña un vakunashon riba e mesun dia. Tambe hende tin ku paga un pago pa haña e vakunashon. Gobièrnu di St. Maarten ta urgi tur hende pa bai vakuna promé ku 31 di yüli.
Na St. Maarten djaluna 24 di mei 4 persona a tèst positivo pa COVID-19. Riba mesun dia 12 persona a rekuperá. Ku esaki e pais ta konosé 80 kaso aktivo di COVID-19.
E kantidat di kasonan konfirmá awor ta 2370. Den total 28 persona a fayesé dor di COVID-19 riba e isla for di Mart aña pasá. Tres pashènt ku COVID-19 ta keda den St. Maarten Medical Center na e momentunan aki. Tin 77 persona ku tin ku keda den isolashon na kas. Banda di esei tin 80 persona den karentena.
E kantidat di hende ku a rekuperá for di e promé kaso ta 2262. Tim di Salubridat di Aeropuerto di Ministerio di Salubridat Públiko, Desaroyo Sosial i Labor den kolaborashon ku ‘Health Care Laboratory Sint Maarten’ a tèst 2905 biahero ku a yega na Princess Juliana International Airport, (PJIA) for di luna di mart di aña pasá. CPS a tèst 28.642 hende den komunidat. Minister di Salubridat Públiko, Desaroyo Sosial i Labor di St. Maarten Omar Ottley siman pasa a duna di konosé ku kresementu di kasonan positivo di COVID-19 na St. Maarten ta alarmante. Ottley ta pidi tur hende pa bista tapaboka i tambe pa tur hende ku no a vakuná ainda pa bai na un di e sentronan di vakunashon pa haña un vakuna promé ku 31 di yüli.
Den total te ainda 18.582 persona na St. Maarten a registrá pa haña un vakuna kaba. Den total a vakuná 16.410 persona. Meta ta pa vakuna 44.101 persona, ku ta 85 % di henter e poblashon adulto di 51.884 persona. Riba 21 i 22 di Mei mes 359 persona a haña nan promé vakuna i 133 persona