WILLEMSTAD.-Un ratu pasa Steven Croes a drenta palasio di gobernador i a huramentá komo minister di Enseñansa, Siensia, Kultura i Deporte. Sr. Croes a indiká ku su prioridat ta hasi un ‘nulmeting’ kompletu den enseñansa. E ta kere ku no por papia di drecha nada sin ku e sa unda e problemanan ta.

Minister Steven Croes

Na momentu ku Croes a yega Fòrti e mes a bai sera konosí ku tur miembro di prensa presente i mesora a interkambiá informashon di kontakto pa asina e por tin bon kontakto ku prensa. Mester indiká ku esaki a laga masha bon impreshon sigur serka EXTRA komo ku di e forma aki por pèrkurá pa semper tin informashon korekto i balansa ta keda publiká.

Den oranan mas tempran ora sr. Croes a yega Fòrti e tabata kompañá pa su famia. Di parti di EXTRA tur klase di éksito ounke ta pa un periodo sumamente kòrtiku.